Ladang Mangsa

Karya: L.N.Aliya

Wayah ngagayuh ka isuk, Cahya surya sumirat
Ti beulah wétan, Srangéngé meleték
Rék mitembeyan poé

Bral anaking geura lunta
Ngalalana ka marcapada

Bral anaking geura lunta
Meungpeung hidep masih ngora

Bral anaking geura lunta
Masing loba barang ala

Singkahan gogoda
Ayonan cocoba
Nyeri peurih patindih-tindih
Pait getir bagilir

Tong sieun
Tong keueung
Sing teuneung sing ludeung
Amis pait mo pahili

Waktu nyérélék maju ka sore
Wayah sareupna mungkas ngalalana
Peuting jempling poék mongkléng
Rintih rapih ampih
Mangsa ngarasa lading ngalalana

Suka bungah
Sedih peurih
Kumaha ngalana
Mangsa keur lunta

Di serat ku Syawkat ( murid SMA KOSGORO ) Pangajaran Basa Sunda : Pikeun SD/MI Kelas V, Parigel Maké Basa Sunda, Penyusun: Tim Pengembangan KTSP Bahasa Sunda Kota Bogor, Prisma : Bogor ; Kaca 95.