Pĕngkolan Panineungan

Ku: Dedy windyagiri

Di pĕngkolan engkang nangtung
Nyorĕang nyerangkeun bumi
Lelembutan kumalayang
Mumbul ka jabaning langit
Ngadongkang nu lawas ilang
Jirim asih nu teu bukti

Ngukut Sato

Mun urang kukut-kukutan
sarupaning sasatoan
meri, hayam, ěntog, soang,
munding, sapi, embě, kelenci
katut sato nu sějěnna
kahadě sing hadě urus
sing hěman, nyaah, tulatěn

Haseup Teu Welĕh Ngelun

Karya : Yus Rusyana

Nyeueung haseup nu teu welěh ngelun
tina corobong pabrik tinun
naha anggur ngungun
kapan urang keur ngawangun
něnjo sawah nu ngupluk-ngaplak
anu nungtut disaeuran ku barangkal
naha makě nyeblak
kapan galengan gě diaspal

Tutuwuhan

Karya : Rachmat M. Sas Karana

Tutuwuhan ngawarah kuring
Nitah sabar
Ka pelok anu dipelak
Teu bisa nanyakeun
Iraha kapan buahan

Wanci Yuswa Tunggang Gunung

Wanci yuswa tunggang gunung
Sagala nu ngarandapan
Narěmbongan
Nyisit melit kana ati
Matak eungap kana ambekan

Guludug

Lamun langit ditiung haseup hideung
Anjeun sok mĕrĕ tangara bakal datang
Gelgerrrrr!
Eundeur jajantung
Hatĕ tumuwuh ketir

Kuring Hayang Sarĕ Jeung Anjeun

Waktu mata mulai nundutan
Sungut ngelak heuay
Miharep tibra
Di kasur

Keur Hatĕ Nu Nunggeulis

Kamari ieu aya langlayangan pegat talina
Ngawang-ngawang nuturkeun abringan mega
Rék ka mana nya indit

Ladang Mangsa

Karya: L.N.Aliya

Wayah ngagayuh ka isuk, Cahya surya sumirat
Ti beulah wétan, Srangéngé meleték
Rék mitembeyan poé

Bral anaking geura lunta
Ngalalana ka marcapada

Béja ti sisi Lembur

Karya: Godi Suwarna

Pasawahan di gigireun imah aki
Nya ĕta sagara emas, anaking!
Lambak ngusapan awak
Angin gunung, angin bihari